Монгол улсад уурхайн хаалтын эрх зүйн орчин бүрэлдэн тогтоогүй байгаа нь доорх хуулийн заалтуудаас харагдаж байна. 1. Ашигт малтмалын тухай хуулийн 45.1-д “...уурхайн хаалтыг тухайн уурхайн ашиглалт дуусахаас 1 жилийн өмнө хийж эхэлнэ” гэж заасан байдаг. Харин Байгаль орчинд нөлөөлөх байдлын үнэлгээний тухай хуулийн 14.1.3-д “... 3 жилийн өмнө хаалтын төлөвлөгөөг ирүүлнэ” гэж заасан зөрүүтэй байдал нь аль нь ч оновчгүй хугацаа төдийгүй уурхайн хаалтын төлөвлөгөөг олборлолт эхлэхээс өмнө боловсруулдаг олон улсын жишигтэй нийцэхгүй байна. 2. Байгаль орчинд нөлөөлөх байдлын үнэлгээний тухай хуулийн 9-р зүйлийн 9.10-т зааснаар “тухайн жилийн байгаль орчны менежментийн төлөвлөгөөг хэрэгжүүлэхэд шаардагдах зардлын 50 хувьтай тэнцэх хэмжээний мөнгөн хөрөнгийг төвлөрүүлнэ.” гэж заасан нь явцын дунд нөхөн сэргээлтийн чиглэлээр ажил хийх шаардлага бөгөөд уурхайн хаалтын нөхөн сэргээлтийн санхүүгийн баталгааг хангаж чадахгүй байна. Иймд уурхайн хаалтын эрх зүйн орчныг бүрдүүлэх шаардлагатай байна