Гутлын 22 гэж нэрлэгдэх дөрвөн давхар цагаан  байрны цор ганц байгалийн гэрэл үздэг урд хэсэгт зочид буудлын зориулалттай 9 давхар барилга болон механикжсан зогсоол барихаар бэлдэж эхэлжээ. Хэрэв энэ 9 давхар барилга баригдвал нэгдүгээрт, барилгын тухай хууль тогтоомжыг, хоёрдугаарт, иргэдийн эрүүл аюулгүй амьдрах эрхийг зөрчиж байгаагаас гадна тус байрыг тойроод улсын нууц мэдээллийг хадгалдаг төрийн албаны байгууллагын радиуст халдан барилга барих гэж буй үйлдэл тул энэхүү барилгын зөвшөөрлийг цуцлахыг оршин суугчдын зүгээс шаардаж байгаа юм. 

Энэ асуудал зөвхөн Гутлын 22-р байранд яригддаг асуудал биш тул иргэд та бүхэн энэ кэйсээс эхлэн нийтийн эзэмшлийн талбайд барилга барих зөвшөөрлийг  цуцлахыг дэмжиж, шаардлагад нэгдээрэй.