Нийтлэл 04 сарын 26, 2016

Япон улс 43 нүүрсний цахилгаан станц нэмж барихаар төлөвлөж байна

 

 

Цунамигийн улмаас цөмийн цахилгаан станцын тоо буурч, нүүрснийх өсч байна

2030 он гэхэд Японы эрчим хүчний эрэлт 22 хувиар өснө

Японы эрчим хүчний монополит зах зээл задарч байна

 

 Японы Байгаль Орчны яамнаас ирэх 12 жилийн хугацаанд 43 ширхэг нүүрсний цахилгаан станц нэмж барих төлөвлөгөөг дэмжсэн байна. Японд одоогоор 40.5 гегаваттын хүчин чадал бүхий 90 нүүрсний цахилгаан станц ажиллаж байна. Харин 2028 он гэхэд 50-иар нэмэгдүүлж 61 гегаваттын хүчин чадалд хүргэх аж. Цөмийн цахилгаан станцууд нь нийт эрчим хүчний нийлүүлэлтийн гуравны нэгийг нийлүүлдэг байсан. Гэхдээ 2011 онд тохиолдсон цунамигийн улмаар цөмийн эрчим хүчин цахилгаан станцуудыг хааснаар нүүрс нь эрчим хүч гаргаж авах хямд эх үүсвэр болж байна. 

Global Construction Review-н тооцоолж буйгаар Японы хэдий эдийн засаг саарч байгаа ч 2030 он гэхэд эрчим хүчний эрэлт 22 хувиар өсч 1.1 их наяд кВт.цаг болох аж. Энэ оны 4 сарын 1-ээс эхлэн Японы 10 бүс нутагт эрчим хүчний нийлүүлэлтийн монополь задарч 266 компани эрчим хүч нийлүүлэх эрхтэй болоод байна. Эдгээр компаниудын дунд харилцаа холбоо, худалдаа, бүр аялал жуулчлалын компаниуд багтаад байна.  

Сэтгэгдэл бичих

    • Mongolchuudaa
    • 2016-04-29

    Nuurs udahgui uned ornoo

    • baagii
    • 2016-04-26

    Unen yum uu?2012 ond 1 nuursnii uzuulengiin stants bsan sh de hediidee 90 stants bolchiv oo. ene medeenii eh survalj ni yu ve?

    • Зочин
    • 2016-04-26

    Мөнгийг нь барчихаад хэрүүл болоод байгаа юм бишүү.

arrow icon