Энэ сарын 24-ний өдөр Мэргэжлийн хяналтын ерөнхий газрын улсын байцаагч хоёроос дээш давхар бүхий орон сууцны барилгад газын баллон байрлуулахгүй, хадгалахгүй байх тухай зөвлөмж гаргасан байна. Шингэрүүлсэн шатдаг хийн хэрэглээ ихэссэн энэ үед тоног төхөөрөмж, угсралт, ашиглалтын шаардлага хангаагүйгээс орон сууц, барилга байгууламж, цаашлаад хүний эрүүл мэнд, амь нас эрсдэж болзошгүй аюулаас урьдчилан сэргийлэх ажил болж байгаа юм.