Видео мэдээллийн хамгийн том талбар Youtube эмэгтэйчүүдээс өсвөр насны өөртэйгөө уулзвал ямар зөвлөгөө өгөх байсан бэ гэсэн асуултыг  #DearMe хэмээх шинэ давлагаа үүсгэн асууж байна. #DearMe хөдөлгөөн нэг өдрийн дотор Ютүбээс гадна твиттэрт трэнд болсныг харвал хүмүүст өөрсдөдөө хэлэх зүйл маш их байсан бололтой.

#DearMe хөдөлгөөн 3 сарын 8-ны  Олон Улсын Эмэгтэйчүүдийн өдрийг тохиолдуулж байгаа бөгөөд  өнөөдрийн нийгэмд  залуу эмэгтэйчүүдэд тулгардаг бүхий л асуудлыг охид өөрсдөө шийдэхэд нь туслах зорилготой аж.  Дэлхийн өнцөг булан бүрт маш олон эмэгтэйчүүд өөрийн өсвөр насны тэр жаахан охинд хандан үг хэлж, үүгээр дамжуулан бие биенээ зоригжуулсаар байна.  Жишээ нь: "Бусдаас өөр байна гэдэг нь буруу биш", "Илүү их инээмсэглэ", "Чи үнэхээр авьяастай", "Аяла!", "Их бүжиглэ", "Ухаалаг байхаас айх хэрэггүй", "Зүгээр л өөрийнхөө одоо байгаа байдлаараа, хэн гэдгээрээ бахарх!" гэх мэт олон гайхалтай үгсийг эдгээр бичлэгүүдээс олж сонсох болно. Та ч мөн өөртөө болон бусад охид эмэгтэйчүүдэд хандан хэлэх урмын үг, анхааруулах зөвлөгөө байвал  #DearMe хаштаг үүсгэн youtube-д байршуулаарай.