Нийтлэл 02 сарын 19, 2018

Г.Баясгалан: Эрдэнэтийн асуудлаар арбитрийн шүүхэд давж заалдах эрх авч чадаагүй

Эрдэнэтийн асуудлаар арбитрийн шүүхэд давж заалдах эрхгүй болсон байна. Тодруулбал Өмнөд Африкийн “Стандарт” банкинд “Эрдэнэт” үйлдвэрийг барьцаалан зээл авснаас үүдэж, Арбитрын шүүх дээр  дээр хэлэлцэгдэн, манай улс  ялагдал хүлээсэн. Шүүхийн шийдвэрийн дагуу “Эрдэнэт” үйлдвэр зээлийн үлдэгдэл төлбөр болох 51 сая ам.доллараас гадна бусад төлбөрүүд багтаж, нийтдээ 102 сая ам.долларыг төлөхөөр байгаа юм. 

ХЗДХЯ-ны Төрийн нарийн бичгийн дарга Г.Баясгалан: “Арбитрын шийдвэр эцэслэн гарсан. Давж заалдах боломж байгаа ч төлөх ёстой мөнгөнийхөө тодорхой хэмжээний барьцаа тавих шаардлагатай  гэдэг зүйлийг хэлж байсан. 51 сая ам.доллар учраас ийм их хэмжээний мөнгө барьцаанд тавих боломжгүй. Тиймээс давж заалдах эрх авч чадаагүй. Английн шүүхээр явж байгаа процессын зарим нэг зүйл дуусаагүй байгаа ч Арбитрын эцсийн шийдвэр тодорхой нөлөө байхгүй гэж дүгнэж байгаа.

Арбитрын шүүхийн шийдвэр гарсан учраас бид төлөх нь ойлгомжтой. Харин тухайн төлбөрөө яаж төлөх вэ гэдгээ хурдан шийдвэрлэх хэрэгтэй байгаа юм. Төлбөрийн хугацааг хойшлуулах, хүү, торгуулийг зогсоох зэрэг олон арга бий. Тиймээс энэ асуудлаа “Эрдэнэт” үйлдвэр хурдан шийдээд явах ёстой. Тэгвэл бидний төлөх мөнгө нэмэгдэхгүй. Сүүлийн үед Арбитрын шийдвэрийг давж заалдаж болно гэх ойлголт олон нийтийн дунд их байх шиг байна. Шулуухан хэлэхэд, Арбитрын шийдвэр нэг гарсан бол давж заалдаад ялах магадлал тун ховор байдаг. Тиймээс магадлал багатай зүйлд найдаад цаг хугацаа алдах хэрэг байна уу гэдэг л асуудал. Төлбөрөө ямар байдлаар, ямар эх үүсвэрээр төлөх вэ гэдгээ “Эрдэнэт” үйлдвэр болон Засгийн газрын түвшинд ярилцаад хурдан шийдвэрээ гаргах ёстой” гэлээ.

Сэтгэгдэл бичих

    • МАН-ЫН ГИШҮҮН
    • 2018-02-19

    МАН-ЫН МАФИЖСАН БҮЛЭГЛЭЛИЙН МАХИНАЦИ ҮҮГЭЭР ТОГТОХГҮЙ !!! ШАХАА НЯМДОРЖ ШАНАА ТУЛААД ЧУХАЛ ЦАРАЙЛААД САНАА АЛДАН АЛДАН ЭХ ОРОНЧ ЦАРАЙЛАН ЯРЬСАН СЭДЭВ БОЛГОНЫ ЦААНА АСАР ИХ ЛУЙВАР МӨНГӨНИЙ АШИГ СОНИРХОЛ БИЙ !!!

arrow icon