ДЭЛХИЙД ЦУУТАЙ ТЭРБУМТАНД ДЭЭРЭМДҮҮЛЧИХСЭН БАЙНА БИ

image

 

“Facebook” нийгмийн сүлжээг үндэслэгч Марк Цукерберг дэлхийн хамгийн баян хүмүүсийн жагсаалтад дөрөвдүгээрт орсон тухай “Bloomberg” агентлаг мэдээлсэн байна. Энэ мэдээллийг сонсоод “Facebook” хуудас нээснээс хойш миний амьдралд юу өөрчлөгдснийг бодож үзэв. Их олон найзтай болжээ. Гэхдээ тэр найзуудынхаа зургийг харж, бичлэгийг уншихаас хэтэрдэггүй. Бас их олон найзаа алджээ. Хүнд хэцүү үед минь үргэлж хажууд минь байдаг үгүйдээ л гэхэд утсаар ярьдаг, баяр хөөрийг минь хамтдаа хуваалцаж, нэгэн ширээний ард цугтаа суудаг байсан олон нөхөд минь бас л зураг, бичлэг болоод хувирчихсан байна. “Facebook” сүлжээнд нэгдсэн сүүлийн гурван жилийнхээ төрсөн өдрийнхөө тухай бодлоо. Төрсөн өдрийн мэнд хүргэсэн мэндчилгээний үгийг уншиж, сайхан цэцэг амтат бялууны зураг харсаар цөөхөн хэдхэн нөхөдтэйгээ л уулзсан байх юм. Баяр хүргэх гэж зорьж ирдэг, байгаа цөөхөн төгрөгөндөө тааруулж ганц сарнай бариад намайг зорьдог байсан найзууд маань дэлгэц дүүрэн сарнайн зураг л явуулдаг болж. Халуун дулаан үгсийг сонсох цаг багасч, хайр дүүрэн нүдийг харах үе ч цөөрч, дэлгэц, зураг, бичлэг бүхнийг оролдог болж.
Ер нь “Facebook”-т нэгдсэн цагаасаа хойш би дэлхийд цуутай тэрбумтанд дээрэмдүүлсэн байна. Дан ганц би ч биш олон сая хүн өөрийг нь зорьж ирдэг найз нөхдөө, гар дээрээ хүлээж авдаг гоё сайхан цэцэгсийг, чихээрээ сонсдог халуун дулаан үгсийг, баяр гунигийн нулимсыг минь арчдаг зөөлхөн гарыг дээрэмдүүлчихсэн байна. Тиймээс 50 тэрбум долларын хөрөнгөөрөө дэлхийн дөрөв дэхь том баянд тооцогдож байгаа Марк Цукербергт хандан нэхэмжлэл гаргахаар шийдлээ.
Марк Цукербергыг хартал үүнийг минь шерлээд өгөөрэй...

via Tsoojchuluuntsetseg Bayanmunkh

avatar

Авторууд

Санал асуулга

Нийт санал: 458

Цар тахлын үед УОК-оос авч хэрэгжүүлж байгаа ажил хэр оновчтой байна вэ?

56%
Маш оновчгүй, хангалтгүй
17%
Оновчгүй, хангалтгүй
13%
Боломжийн оновчтой, үр дүнтэй
6%
Маш оновчтой, үр дүнтэй
6%
Мэдэхгүй
  • 56%
  • 17%
  • 13%
  • 6%
  • 6%