Үг үсгийн хүчинд итгэдэг.
Монгол Улсын 17 дахь Ерөнхий сайд асан Д. Бямбасүрэн:
"Эрдэнэтээс өчнөөн ашиг олно гэж тооцоолж байтал тэгсэнгүй. Ингээд би Брежневт захидал бичээд Цэдэнбал гуайгаас гарын үсгийг нь авах гэтэл, Цэдэнбал дарга уншиж дуусаад: -Бямбасүрээн чамд нэг дутагдал байна . Чи юмыг их тойруулах юм. Шууд хэлж бай гээд улаан харандаагаар БИД ИНГЭЖ АМЬДАРЧ ЧАДАХГҮЙ гэж бичээд гарын үсгээ зураад -Одоо Брежневт явуул гэдэг юм байна. Зөвлөлтийн өөдөөс социалист системийн ямар ч удирдагч иймэрхүү үг хэлэх нь битгий хэл, бодож ч чадахгүй цаг үе байсан. Харин Юмжаагийн Цэдэнбал хэлсэн юм шүү. Ингэж хэлж байсан хүнийг өнөөдөр Зөвлөлтийн бууны нохой, утсан хүүхэлдэй гэж хэлэх юм. Мунхаг тэнэгүүд л өнгөрснийг мэдэхгүй юм байж, өнөөдөрт их зүйл ярьдаг. Гэвч тэдний ярьсан бүхэн хумхын тоос лугаа хэврэг гэдгийг санах хэрэгтэй. Эцсийн дүндээ Цэдэнбал гуай бидний төлөө зүтгэсээр байгаад дууссан. Тэр хүний агуу их бүтээн байгуулалт, эх орноо гэсэн хоёргүй сэтгэлийг Монгол гэх зүрхтэй, Монгол гэх сэтгэлтэй, Монгол хэмээх хүн бүр мэднэ. Доромжлон, гүтгэгсдийг харин хаанахых гэх юм. Би л хувьдаа МОНГОЛ гэж чадахгүй. Монгол хүн өвгөд рүүгээ нулимдаггүй юм."...
